॥ Sri Subrahmanya Ashtakam (Karavalamba Stotram) Lyrics ॥
॥ ശ്രീസുബ്രഹ്മണ്യാഷ്ടകം അഥവാ ശ്രീസുബ്രഹ്മണ്യ കരാവലംബസ്തോത്രം ॥
ഹേ സ്വാമിനാഥ! കരുണാകര ദീനബന്ധോ
ശ്രീപാര്വതീശമുഖപങ്കജപദ്മബന്ധോ ।
ശ്രീശാദിദേവഗണപൂജിതപാദപദ്മ
വല്ലീശനാഥ മമ ദേഹി കരാവലംബം ॥ 1 ॥
ദേവാധിദേവസുത ദേവഗണാധിനാഥ
ദേവേന്ദ്രവന്ദ്യമൃദുപങ്കജമഞ്ജുപാദ ।
ദേവര്ഷിനാരദമുനീന്ദ്രസുഗീതകീര്തേ
വല്ലീശനാഥ മമ ദേഹി കരാവലംബം ॥ 2 ॥
നിത്യാന്നദാനനിരതാഖിലരോഗഹാരിന്
ഭാഗ്യപ്രദാനപരിപൂരിതഭക്തകാമ ।
ശൃത്യാഗമപ്രണവവാച്യനിജസ്വരൂപ
വല്ലീശനാഥ മമ ദേഹി കരാവലംബം ॥ 3 ॥
ക്രൌഞ്ചാസുരേന്ദ്രപരിഖണ്ഡന ശക്തിശൂല-
ചാപാദിശസ്ത്രപരിമണ്ഡിതദിവ്യപാണേ । var പാശാദിശസ്ത്ര
ശ്രീകുണ്ഡലീശധരതുണ്ഡശിഖീന്ദ്രവാഹ var ധൃതതുണ്ഡ
വല്ലീശനാഥ മമ ദേഹി കരാവലംബം ॥ 4 ॥
ദേവാധിദേവരഥമണ്ഡലമധ്യവേഽദ്യ
ദേവേന്ദ്രപീഠനകരം ദൃഢചാപഹസ്തം ।
ശൂരം നിഹത്യ സുരകോടിഭിരീഡ്യമാന
വല്ലീശനാഥ മമ ദേഹി കരാവലംബം ॥ 5 ॥
ഹാരാദിരത്നമണിയുക്തകിരീടഹാര
കേയൂരകുണ്ഡലലസത്കവചാഭിരാമം ।
ഹേ വീര താരകജയാമരവൃന്ദവന്ദ്യ
വല്ലീശനാഥ മമ ദേഹി കരാവലംബം ॥ 6 ॥
പഞ്ചാക്ഷരാദിമനുമന്ത്രിതഗാങ്ഗതോയൈഃ
പഞ്ചാമൃതൈഃ പ്രമുദിതേന്ദ്രമുഖൈര്മുനീന്ദ്രൈഃ ।
പട്ടാഭിഷിക്തഹരിയുക്ത പരാസനാഥ
വല്ലീശനാഥ മമ ദേഹി കരാവലംബം ॥ 7 ॥
ശ്രീകാര്തികേയ കരുണാമൃതപൂര്ണദൃഷ്ട്യാ
കാമാദിരോഗകലുഷീകൃതദുഷ്ടചിത്തം ।
സിക്ത്വാ തു മാമവ കലാധരകാന്തികാന്ത്യാ
വല്ലീശനാഥ മമ ദേഹി കരാവലംബം ॥ 8 ॥
സുബ്രഹ്മണ്യാഷ്ടകം പുണ്യം യേ പഠന്തി ദ്വിജോത്തമാഃ ।
തേ സര്വേ മുക്തിമായാന്തി സുബ്രഹ്മണ്യപ്രസാദതഃ ॥
സുബ്രഹ്മണ്യാഷ്ടകമിദം പ്രാതരുത്ഥായ യഃ പഠേത് ।
കോടിജന്മകൃതം പാപം തത്ക്ഷണാദേവ നശ്യതി ॥
॥ ഇതി ശ്രീസുബ്രഹ്മണ്യാഷ്ടകം അഥവാ
ശ്രീസുബ്രഹ്മണ്യ കരാവലംബസ്തോത്രം സമ്പൂര്ണം ॥
टिप्पणियाँ
एक टिप्पणी भेजें