॥ Sri Subrahmanya Ashtakam (Karavalamba Stotram) Lyrics ॥
॥ শ্রীসুব্রহ্মণ্যাষ্টকম্ অথবা শ্রীসুব্রহ্মণ্য করাবলম্বস্তোত্রম্ ॥
হে স্বামিনাথ! করুণাকর দীনবন্ধো
শ্রীপার্বতীশমুখপঙ্কজপদ্মবন্ধো ।
শ্রীশাদিদেবগণপূজিতপাদপদ্ম
বল্লীশনাথ মম দেহি করাবলম্বম্ ॥ ১ ॥
দেবাধিদেবসুত দেবগণাধিনাথ
দেবেন্দ্রবন্দ্যমৃদুপঙ্কজমঞ্জুপাদ ।
দেবর্ষিনারদমুনীন্দ্রসুগীতকীর্তে
বল্লীশনাথ মম দেহি করাবলম্বম্ ॥ ২ ॥
নিত্যান্নদাননিরতাখিলরোগহারিন্
ভাগ্যপ্রদানপরিপূরিতভক্তকাম ।
শৃত্যাগমপ্রণববাচ্যনিজস্বরূপ
বল্লীশনাথ মম দেহি করাবলম্বম্ ॥ ৩ ॥
ক্রৌঞ্চাসুরেন্দ্রপরিখণ্ডন শক্তিশূল-
চাপাদিশস্ত্রপরিমণ্ডিতদিব্যপাণে । var পাশাদিশস্ত্র
শ্রীকুণ্ডলীশধরতুণ্ডশিখীন্দ্রবাহ var ধৃততুণ্ড
বল্লীশনাথ মম দেহি করাবলম্বম্ ॥ ৪ ॥
দেবাধিদেবরথমণ্ডলমধ্যবেঽদ্য
দেবেন্দ্রপীঠনকরং দৃঢচাপহস্তম্ ।
শূরং নিহত্য সুরকোটিভিরীড্যমান
বল্লীশনাথ মম দেহি করাবলম্বম্ ॥ ৫ ॥
হারাদিরত্নমণিয়ুক্তকিরীটহার
কেয়ূরকুণ্ডললসত্কবচাভিরামম্ ।
হে বীর তারকজয়ামরবৃন্দবন্দ্য
বল্লীশনাথ মম দেহি করাবলম্বম্ ॥ ৬ ॥
পঞ্চাক্ষরাদিমনুমন্ত্রিতগাঙ্গতোয়ৈঃ
পঞ্চামৃতৈঃ প্রমুদিতেন্দ্রমুখৈর্মুনীন্দ্রৈঃ ।
পট্টাভিষিক্তহরিয়ুক্ত পরাসনাথ
বল্লীশনাথ মম দেহি করাবলম্বম্ ॥ ৭ ॥
শ্রীকার্তিকেয় করুণামৃতপূর্ণদৃষ্ট্যা
কামাদিরোগকলুষীকৃতদুষ্টচিত্তম্ ।
সিক্ত্বা তু মামব কলাধরকান্তিকান্ত্যা
বল্লীশনাথ মম দেহি করাবলম্বম্ ॥ ৮ ॥
সুব্রহ্মণ্যাষ্টকং পুণ্যং য়ে পঠন্তি দ্বিজোত্তমাঃ ।
তে সর্বে মুক্তিমায়ান্তি সুব্রহ্মণ্যপ্রসাদতঃ ॥
সুব্রহ্মণ্যাষ্টকমিদং প্রাতরুত্থায় য়ঃ পঠেত্ ।
কোটিজন্মকৃতং পাপং তত্ক্ষণাদেব নশ্যতি ॥
॥ ইতি শ্রীসুব্রহ্মণ্যাষ্টকং অথবা
শ্রীসুব্রহ্মণ্য করাবলম্বস্তোত্রং সম্পূর্ণম্ ॥
टिप्पणियाँ
एक टिप्पणी भेजें