Shivanamavalya Ashtakam in Gujarati

॥ Shiva Naamavali Ashtakam Lyrics in Gujarati॥

॥ શ્રીશિવનામાવલ્યષ્ટકમ્ ॥

હે ચન્દ્રચૂડ મદનાન્તક શૂલપાણે

સ્થાણો ગિરીશ ગિરિજેશ મહેશ શંભો ।

ભૂતેશ ભીતભયસૂદન મામનાથં

સંસારદુઃખગહનાજ્જગદીશ રક્ષ ॥ ૧ ॥

હે પાર્વતીહૃદયવલ્લભ ચન્દ્રમૌલે

ભૂતાધિપ પ્રમથનાથ ગિરીશચાપ ।

હે વામદેવ ભવ રુદ્ર પિનાકપાણે

સંસારદુઃખગહનાજ્જગદીશ રક્ષ ॥ ૨ ॥

હે નીલકણ્ઠ વૃષભધ્વજ પઞ્ચવક્ત્ર

લોકેશ શેષવલય પ્રમથેશ શર્વ ।

હે ધૂર્જટે પશુપતે ગિરિજાપતે માં

સંસારદુઃખગહનાજ્જગદીશ રક્ષ ॥ ૩ ॥

હે વિશ્વનાથ શિવ શંકર દેવદેવ

ગઙ્ગાધર પ્રમથનાયક નન્દિકેશ ।

બાણેશ્વરાન્ધકરિપો હર લોકનાથ

સંસારદુઃખગહનાજ્જગદીશ રક્ષ ॥ ૪ ॥

વારાણસીપુરપતે મણિકર્ણિકેશ

વીરેશ દક્ષમખકાલ વિભો ગણેશ ।

સર્વજ્ઞ સર્વહૃદયૈકનિવાસ નાથ

સંસારદુઃખગહનાજ્જગદીશ રક્ષ ॥ ૫ ॥

શ્રીમન્મહેશ્વર કૃપામય હે દયાલો

હે વ્યોમકેશ શિતિકણ્ઠ ગણાધિનાથ ।

ભસ્માઙ્ગરાગ નૃકપાલકલાપમાલ

સંસારદુઃખગહનાજ્જગદીશ રક્ષ ॥ ૬ ॥

કૈલાસશૈલવિનિવાસ વૃષાકપે હે

મૃત્યુંજય ત્રીનયન ત્રિજગન્નિવાસ ।

નારાયણપ્રિય મદાપહ શક્તિનાથ

સંસારદુઃખગહનાજ્જગદીશ રક્ષ ॥ ૭ ॥

વિશ્વેશ વિશ્વભવનાશક વિશ્વરૂપ

વિશ્વાત્મક ત્રિભુવનૈકગુણાધિકેશ ।

હે વિશ્વનાથ કરુણામય દીનબન્ધો

સંસારદુઃખગહનાજ્જગદીશ રક્ષ ॥ ૮ ॥

ગૌરીવિલાસભવનાય મહેશ્વરાય

પઞ્ચાનનાય શરણાગતકલ્પકાય ।

શર્વાય સર્વજગતામધિપાય તસ્મૈ

દારિદ્ર્યદુઃખદહનાય નમઃ શિવાય ॥ ૯ ॥

ઇતિ શ્રીમત્પરમહંસપરિવ્રાજકાચાર્યસ્ય

શ્રીગોવિન્દભગવત્પૂજ્યપાદશિષ્યસ્ય

શ્રીમચ્છંકરભગવતઃ કૃતૌ શિવનામાવલ્યષ્ટકં સંપૂર્ણમ્ ॥