Shiva Namavalya Ashtakam Lyrics in Malayalam

॥ Shiva Naamavali Ashtakam Lyrics in Malayalam॥

॥ ശ്രീശിവനാമാവല്യഷ്ടകം ॥

ഹേ ചന്ദ്രചൂഡ മദനാന്തക ശൂലപാണേ

സ്ഥാണോ ഗിരീശ ഗിരിജേശ മഹേശ ശംഭോ ।

ഭൂതേശ ഭീതഭയസൂദന മാമനാഥം

സംസാരദുഃഖഗഹനാജ്ജഗദീശ രക്ഷ ॥ 1 ॥

ഹേ പാർവതീഹൃദയവല്ലഭ ചന്ദ്രമൗലേ

ഭൂതാധിപ പ്രമഥനാഥ ഗിരീശചാപ ।

ഹേ വാമദേവ ഭവ രുദ്ര പിനാകപാണേ

സംസാരദുഃഖഗഹനാജ്ജഗദീശ രക്ഷ ॥ 2 ॥

ഹേ നീലകണ്ഠ വൃഷഭധ്വജ പഞ്ചവക്ത്ര

ലോകേശ ശേഷവലയ പ്രമഥേശ ശർവ ।

ഹേ ധൂർജടേ പശുപതേ ഗിരിജാപതേ മാം

സംസാരദുഃഖഗഹനാജ്ജഗദീശ രക്ഷ ॥ 3 ॥

ഹേ വിശ്വനാഥ ശിവ ശങ്കര ദേവദേവ

ഗംഗാധര പ്രമഥനായക നന്ദികേശ ।

ബാണേശ്വരാന്ധകരിപോ ഹര ലോകനാഥ

സംസാരദുഃഖഗഹനാജ്ജഗദീശ രക്ഷ ॥ 4 ॥

വാരാണസീപുരപതേ മണികർണികേശ

വീരേശ ദക്ഷമഖകാല വിഭോ ഗണേശ ।

സർവജ്ഞ സർവഹൃദയൈകനിവാസ നാഥ

സംസാരദുഃഖഗഹനാജ്ജഗദീശ രക്ഷ ॥ 5 ॥

ശ്രീമന്മഹേശ്വര കൃപാമയ ഹേ ദയാലോ

ഹേ വ്യോമകേശ ശിതികണ്ഠ ഗണാധിനാഥ ।

ഭസ്മാംഗരാഗ നൃകപാലകലാപമാല

സംസാരദുഃഖഗഹനാജ്ജഗദീശ രക്ഷ ॥ 6 ॥

കൈലാസശൈലവിനിവാസ വൃഷാകപേ ഹേ

മൃത്യുഞ്ജയ ത്രിനയന ത്രിജഗന്നിവാസ ।

നാരായണപ്രിയ മദാപഹ ശക്തിനാഥ

സംസാരദുഃഖഗഹനാജ്ജഗദീശ രക്ഷ ॥ 7 ॥

വിശ്വേശ വിശ്വഭവനാശക വിശ്വരൂപ

വിശ്വാത്മക ത്രിഭുവനൈകഗുണാധികേശ ।

ഹേ വിശ്വനാഥ കരുണാമയ ദീനബന്ധോ

സംസാരദുഃഖഗഹനാജ്ജഗദീശ രക്ഷ ॥ 8 ॥

ഗൗരീവിലാസഭവനായ മഹേശ്വരായ

പഞ്ചാനനായ ശരണാഗതകല്പകായ ।

ശർവായ സർവജഗതാമധിപായ തസ്മൈ

ദാരിദ്ര്യദുഃഖദഹനായ നമഃ ശിവായ ॥ 9 ॥

ഇതി ശ്രീമത്പരമഹംസപരിവ്രാജകാചാര്യസ്യ

ശ്രീഗോവിന്ദഭഗവത്പൂജ്യപാദശിഷ്യസ്യ

ശ്രീമച്ഛങ്കരഭഗവതഃ കൃതൗ ശിവനാമാവല്യഷ്ടകം സമ്പൂർണം ॥