Shastuh Dhyana Ashtakam in Gujarati

॥ Shastuh Dhyanashtakam Lyrics in Gujarati ॥

શાસ્તુઃ ધ્યાનાષ્ટકં

શ્રીગણેશાય નમઃ ।

નમામિ ધર્મશાસ્તારં યોગપીઠસ્થિતં વિભુમ્ ।

પ્રસન્નં નિર્મલં શાન્તં સત્યધર્મવ્રતં ભજે ॥ ૧ ॥

આશ્યામકોમલવિશાલતનું વિચિત્ર-

વાસો વસાનમરુણોત્પલવામહસ્તમ્ ।

ઉત્તુઙ્ગરત્નમુકુટં કુટિલાગ્રકેશં

શાસ્તારમિષ્ટવરદં શરણં પ્રપદ્યે ॥ ૨ ॥

હરિહરશરીરજન્મા મરકતમણિભઙ્ગમેચકચ્છાયઃ ।

વિજયતુ દેવઃ શાસ્તા સકલજગચ્ચિત્તમોહિનીમૂર્તિઃ ॥ ૩ ॥

પાર્શ્વસ્થાપત્યદારં વટવિટપિતલન્યસ્તસિંહાસનસ્થમ્ ।

શ્યામં કાલામ્બરં ચ શ્રિતકરયુગલાદર્શચિન્તામણિં ચ ।

શસ્ત્રી નિસ્ત્રિંશબાણાસનવિશિખધૃતં રક્તમાલ્યાનુલેપં

વન્દે શાસ્તારમીડ્યં ઘનકુટિલબૃહત્કુન્તલોદગ્રમૌળિમ્ ॥ ૪ ॥

સ્નિગ્ધારાલવિસારિકુન્તલભરં સિંહાસનાધ્યાસિનં

સ્ફૂર્જત્પત્રસુકૢપ્તકુણ્ડલમથેષ્વિષ્વાસભૃદ્દોર્દ્વયમ્ ।

નીલક્ષૌમવસં નવીનજલદશ્યામં પ્રભાસત્યક-

સ્વાયત્પાર્શ્વયુગં સુરક્તસકલાકલ્પં સ્મરેદાર્યકમ્ ॥ ૫ ॥

કોદણ્ડં સશરં ભુજેન ભુજગેન્દ્રાભોગભાસા વહન્

વામેન ક્ષુરિકાં વિપક્ષદલને પક્ષેણ દક્ષેણ ચ ।

કાન્ત્યા નિર્જિતનીરદઃ પુરભિદઃ ક્રીડત્કિરાતાકૃતેઃ

પુત્રોઽસ્માકમનલ્પનિર્મલયશાઃ નિર્માતુ શર્માનિશમ્ ॥ ૬ ॥

કાળામ્ભોદકલાભકોમલતનું બાલેન્દુચૂડં વિભું

બાલાર્કાયુતરોચિષં શરલસત્કોદણ્ડબાણાન્વિતમ્ ।

વીરશ્રીરમણં રણોત્સુકમિષદ્રક્તામ્બુભૂષાઞ્જલિં

કાલારાતિસુતં કિરાતવપુષં વન્દે પરં દૈવતમ્ ॥ ૭ ॥

સાધ્યં સ્વપાર્શ્વેન વિબુદ્‍ધ્ય ગાઢં

નિપાતયન્તં ખલુ સાધકસ્ય ।

પાદાબ્જયોર્મણ્ડધરં ત્રિનેત્રં

ભજેમ શાસ્તારમભીષ્ટસિદ્‍ધ્યૈ ॥ ૮ ॥

॥ ઇતિ શાસ્તુઃ ધ્યાનાષ્ટકં સમ્પૂર્ણમ્ ॥