Shastuh Dhyana Ashtakam in Bengali

॥ Shastuh Dhyanashtakam Lyrics in Bengali ॥

স্তুঃ ধ্যানাষ্টকং

শ্রীগণেশায় নমঃ ।

নমামি ধর্মশাস্তারং য়োগপীঠস্থিতং বিভুম্ ।

প্রসন্নং নির্মলং শান্তং সত্যধর্মব্রতং ভজে ॥ ১ ॥

আশ্যামকোমলবিশালতনুং বিচিত্র-

বাসো বসানমরুণোত্পলবামহস্তম্ ।

উত্তুঙ্গরত্নমুকুটং কুটিলাগ্রকেশং

শাস্তারমিষ্টবরদং শরণং প্রপদ্যে ॥ ২ ॥

হরিহরশরীরজন্মা মরকতমণিভঙ্গমেচকচ্ছায়ঃ ।

বিজয়তু দেবঃ শাস্তা সকলজগচ্চিত্তমোহিনীমূর্তিঃ ॥ ৩ ॥

পার্শ্বস্থাপত্যদারং বটবিটপিতলন্যস্তসিংহাসনস্থম্ ।

শ্যামং কালাম্বরং চ শ্রিতকরয়ুগলাদর্শচিন্তামণিং চ ।

শস্ত্রী নিস্ত্রিংশবাণাসনবিশিখধৃতং রক্তমাল্যানুলেপং

বন্দে শাস্তারমীড্যং ঘনকুটিলবৃহত্কুন্তলোদগ্রমৌল়িম্ ॥ ৪ ॥

স্নিগ্ধারালবিসারিকুন্তলভরং সিংহাসনাধ্যাসিনং

স্ফূর্জত্পত্রসুকৢপ্তকুণ্ডলমথেষ্বিষ্বাসভৃদ্দোর্দ্বয়ম্ ।

নীলক্ষৌমবসং নবীনজলদশ্যামং প্রভাসত্যক-

স্বায়ত্পার্শ্বয়ুগং সুরক্তসকলাকল্পং স্মরেদার্যকম্ ॥ ৫ ॥

কোদণ্ডং সশরং ভুজেন ভুজগেন্দ্রাভোগভাসা বহন্

বামেন ক্ষুরিকাং বিপক্ষদলনে পক্ষেণ দক্ষেণ চ ।

কান্ত্যা নির্জিতনীরদঃ পুরভিদঃ ক্রীডত্কিরাতাকৃতেঃ

পুত্রোঽস্মাকমনল্পনির্মলয়শাঃ নির্মাতু শর্মানিশম্ ॥ ৬ ॥

কাল়াম্ভোদকলাভকোমলতনুং বালেন্দুচূডং বিভুং

বালার্কায়ুতরোচিষং শরলসত্কোদণ্ডবাণান্বিতম্ ।

বীরশ্রীরমণং রণোত্সুকমিষদ্রক্তাম্বুভূষাঞ্জলিং

কালারাতিসুতং কিরাতবপুষং বন্দে পরং দৈবতম্ ॥ ৭ ॥

সাধ্যং স্বপার্শ্বেন বিবুদ্‍ধ্য গাঢং

নিপাতয়ন্তং খলু সাধকস্য ।

পাদাব্জয়োর্মণ্ডধরং ত্রিনেত্রং

ভজেম শাস্তারমভীষ্টসিদ্‍ধ্যৈ ॥ ৮ ॥

॥ ইতি শাস্তুঃ ধ্যানাষ্টকং সম্পূর্ণম্ ॥