Shachitanaya Ashtakam in Telugu

॥ Shachitanayashtakam Lyrics in Telugu॥

॥ శచీతనయాష్టకమ్॥ 

ఉజ్జ్వలావరణగౌరవరదేహం

విలసితనిరవధిభావవిదేహమ్ ।

త్రిభువనపావనకృపాయాః లేశం

తం ప్రణమామి చ శ్రీశచీతనయమ్ ॥ ౧॥

గద్గదాన్తరభావవికారం

దుర్జనతర్జననాదవిశాలమ్ ।

భవభయభఞ్జనకారణకరుణం

తం ప్రణమామి చ శ్రీశచీతనయమ్ ॥ ౨॥

అరుణామ్బరధరచారుకపోలం

ఇన్దువినిన్దితనఖచయరుచిరమ్ ।

జల్పితనిజగుణనామవినోదం

తం ప్రణమామి చ శ్రీశచీతనయమ్ ॥ ౩॥

విగలితనయనకమలజలధారం

భూషణనవరసభావవికారమ్ ।

గతిఅతిమన్థరనృత్యవిలాసం

తం ప్రణమామి చ శ్రీశచీతనయమ్ ॥ ౪॥

చఞ్చలచారుచరణగతిరుచిరం

మఞ్జీరరఞ్జితపదయుగమధురమ్ ।

చన్ద్రవినిన్దితశీతలవదనం

తం ప్రణమామి చ శ్రీశచీతనయమ్ ॥ ౫॥

ధృతకటిడోరకమణ్డలుదణ్డం

దివ్యకలేవరముణ్డితముణ్డమ్ ।

దుర్జనకల్మషఖణ్డనదణ్డం

తం ప్రణమామి చ శ్రీశచీతనయమ్ ॥ ౬॥

భూషణభూరజ అలకావలితం

కమ్పితబిమ్బాధరవరరుచిరమ్ ।

మలయజవిరచిత ఉజ్జ్వలతిలకం

తం ప్రణమామి చ శ్రీశచీతనయమ్ ॥ ౭॥

నిన్దితారుణకమలదలనయనం

ఆజానులమ్బితశ్రీభుజయుగలమ్ ।

కలేవరకైశోరనర్తకవేశం

తం ప్రణమామి చ శ్రీశచీతనయమ్ ॥ ౮॥

ఇతి సార్వభౌమభట్టాఛర్యవిరచితం శచీతనయాష్టకం సమ్పూర్ణమ్ ।