Shachitanaya Ashtakam in Kannada

॥ Shachitanayashtakam Lyrics in Kannada॥

॥ ಶಚೀತನಯಾಷ್ಟಕಮ್ ॥ 

ಉಜ್ಜ್ವಲಾವರಣಗೌರವರದೇಹಂ

ವಿಲಸಿತನಿರವಧಿಭಾವವಿದೇಹಮ್ ।

ತ್ರಿಭುವನಪಾವನಕೃಪಾಯಾಃ ಲೇಶಂ

ತಂ ಪ್ರಣಮಾಮಿ ಚ ಶ್ರೀಶಚೀತನಯಮ್ ॥ 1॥

ಗದ್ಗದಾನ್ತರಭಾವವಿಕಾರಂ

ದುರ್ಜನತರ್ಜನನಾದವಿಶಾಲಮ್ ।

ಭವಭಯಭಂಜನಕಾರಣಕರುಣಂ

ತಂ ಪ್ರಣಮಾಮಿ ಚ ಶ್ರೀಶಚೀತನಯಮ್ ॥ 2॥

ಅರುಣಾಮ್ಬರಧರಚಾರುಕಪೋಲಂ

ಇನ್ದುವಿನಿನ್ದಿತನಖಚಯರುಚಿರಮ್ ।

ಜಲ್ಪಿತನಿಜಗುಣನಾಮವಿನೋದಂ

ತಂ ಪ್ರಣಮಾಮಿ ಚ ಶ್ರೀಶಚೀತನಯಮ್ ॥ 3॥

ವಿಗಲಿತನಯನಕಮಲಜಲಧಾರಂ

ಭೂಷಣನವರಸಭಾವವಿಕಾರಮ್ ।

ಗತಿಅತಿಮನ್ಥರನೃತ್ಯವಿಲಾಸಂ

ತಂ ಪ್ರಣಮಾಮಿ ಚ ಶ್ರೀಶಚೀತನಯಮ್ ॥ 4॥

ಚಂಚಲಚಾರುಚರಣಗತಿರುಚಿರಂ

ಮಂಜೀರರಂಜಿತಪದಯುಗಮಧುರಮ್ ।

ಚನ್ದ್ರವಿನಿನ್ದಿತಶೀತಲವದನಂ

ತಂ ಪ್ರಣಮಾಮಿ ಚ ಶ್ರೀಶಚೀತನಯಮ್ ॥ 5॥

ಧೃತಕಟಿಡೋರಕಮಂಡಲುದಂಡಂ

ದಿವ್ಯಕಲೇವರಮುಂಡಿತಮುಂಡಮ್ ।

ದುರ್ಜನಕಲ್ಮಷಖಂಡನದಂಡಂ

ತಂ ಪ್ರಣಮಾಮಿ ಚ ಶ್ರೀಶಚೀತನಯಮ್ ॥ 6॥

ಭೂಷಣಭೂರಜ ಅಲಕಾವಲಿತಂ

ಕಮ್ಪಿತಬಿಮ್ಬಾಧರವರರುಚಿರಮ್ ।

ಮಲಯಜವಿರಚಿತ ಉಜ್ಜ್ವಲತಿಲಕಂ

ತಂ ಪ್ರಣಮಾಮಿ ಚ ಶ್ರೀಶಚೀತನಯಮ್ ॥ 7॥

ನಿನ್ದಿತಾರುಣಕಮಲದಲನಯನಂ

ಆಜಾನುಲಮ್ಬಿತಶ್ರೀಭುಜಯುಗಲಮ್ ।

ಕಲೇವರಕೈಶೋರನರ್ತಕವೇಶಂ

ತಂ ಪ್ರಣಮಾಮಿ ಚ ಶ್ರೀಶಚೀತನಯಮ್ ॥ 8॥

ಇತಿ ಸಾರ್ವಭೌಮಭಟ್ಟಾಛರ್ಯವಿರಚಿತಂ ಶಚೀತನಯಾಷ್ಟಕಂ ಸಮ್ಪೂರ್ಣಮ್ ।