Shachinandana Vijaya Ashtakam in Kannada

॥ Shachinandana Vijaya Ashtakam Lyrics in Kannada ॥

ಶ್ರೀಶಚೀನನ್ದನವಿಜಯಾಷ್ಟಕಮ್

ಗದಾಧರ ಯದಾ ಪರಃ ಸ ಕಿಲ ಕಶ್ಚನಾಲೋಕಿತೋ

ಮಯಾ ಶ್ರಿತಗಯಾಧ್ವನಾ ಮಧುರಮೂರ್ತಿರೇಕಸ್ತದಾ ।

ನವಾಮ್ಬುದ ಇವ ಬ್ರುವನ್ ಧೃತನವಾಮ್ಬುದೋ ನೇತ್ರಯೋ-

ರ್ಲುಠನ್ ಭುವಿ ನಿರುದ್ಧವಾಗ್ವಿಜಯತೇ ಶಚೀನನ್ದನಃ ॥ 1 ॥

ಅಲಕ್ಷಿತಚರೀಂ ಹರೀತ್ಯುದಿತಮಾತ್ರತಃ ಕಿಂ ದಶಾಂ

ಅಸಾವತಿಬುಧಾಗ್ರಣೀರತುಲಕಮ್ಪಸಮ್ಪಾದಿಕಾಮ್ ।

ವ್ರಜನ್ನಹಹ ಮೋದತೇ ನ ಪುನರತ್ರ ಶಾಸ್ತ್ರೇಷ್ವಿತಿ

ಸ್ವಶಿಷ್ಯಗಣವೇಷ್ಟಿತೋ ವಿಜಯತೇ ಶಚೀನನ್ದನಃ ॥ 2 ॥

ಹಾ ಹಾ ಕಿಮಿದಮುಚ್ಯತೇ ಪಠ ಪಠಾತ್ರ ಕೃಷ್ಣಂ ಮುಹು-

ರ್ವಿನಾ ತಮಿಹ ಸಾಧುತಾಂ ದಧತಿ ಕಿಂ ಬುಧಾ ಧಾತವಃ ।

ಪ್ರಸಿದ್ಧ ಇಹ ವರ್ಣಸಂಘಟಿತಸಮ್ಯಗಾಮ್ನಾಯಕಃ

ಸ್ವನಾಮ್ನಿ ಯದಿತಿ ಬ್ರುವನ್ವಿಜಯತೇ ಶಚೀನನ್ದನಃ ॥ 3 ॥

ನವಾಮ್ಬುಜದಲೇ ಯದೀಕ್ಷಣಸವರ್ಣತಾದೀರ್ಘತೇ

ಸದಾ ಸ್ವಹೃದಿ ಭಾವ್ಯತಾಂ ಸಪದಿ ಸಾಧ್ಯತಾಂ ತತ್ಪದಮ್ ।

ಸ ಪಾಠಯತಿ ವಿಸ್ಮಿತಾನ್ ಸ್ಮಿತಮುಖಃ ಸ್ವಶಿಷ್ಯಾನಿತಿ

ಪ್ರತಿಪ್ರಕರಣಂ ಪ್ರಭುರ್ವಿಜಯತೇ ಶಚೀನನ್ದನಃ ॥ 4 ॥

ಕ್ವ ಯಾನಿ ಕರವಾಣಿ ಕಿಂ ಕ್ವ ನು ಮಯಾ ಹರಿರ್ಲಭ್ಯತಾಂ

ತಮುದ್ದಿಶತು ಕಃ ಸಖೇ ಕಥಯ ಕಃ ಪ್ರಪದ್ಯೇತ ಮಾಮ್ ।

ಇತಿ ದ್ರವತಿ ಘೂರ್ಣತೇ ಕಲಿತಭಕ್ತಕಂಠಃ ಶುಚಾ

ಸ ಮೂರ್ಚ್ಛಯತಿ ಮಾತರಂ ವಿಜಯತೇ ಶಚೀನನ್ದನಃ ॥ 5 ॥

ಸ್ಮರಾರ್ಬುದದುರಾಪಯಾ ತನುರುಚಿಚ್ಛಟಾಚ್ಛಾಯಯಾ

ತಮಃ ಕಲಿತಮಃಕೃತಂ ನಿಖಿಲಮೇವ ನಿರ್ಮೂಲಯನ್ ।

ನೃಣಾಂ ನಯನಸೌಭಗಂ ದಿವಿಷದಾಂ ಮುಖೈಸ್ತಾರಯನ್

ಲಸನ್ನಧಿಧರಃ ಪ್ರಭುರ್ವಿಜಯತೇ ಶಚೀನನ್ದನಃ ॥ 6 ॥

ಅಯಂ ಕನಕಭೂಧರಃ ಪ್ರಣಯರತ್ನಮುಚ್ಚೈಃ ಕಿರನ್

ಕೃಪಾತುರತಯಾ ವ್ರಜನ್ನಭವದತ್ರ ವಿಶ್ವಮ್ಭರಃ ।

ಯದಕ್ಷಿ ಪಥಸಂಚರತ್ಸುರಧುನೀಪ್ರವಾಹೈರ್ನಿಜಂ

ಪರಂ ಚ ಜಗದಾರ್ದ್ರಯನ್ವಿಜಯತೇ ಶಚೀನನ್ದನಃ ॥ 7 ॥

ಗತೋಽಸ್ಮಿ ಮಧುರಾಂ ಮಮ ಪ್ರಿಯತಮಾ ವಿಶಾಖಾ ಸಖೀ

ಗತಾ ನು ಬತ ಕಿಂ ದಶಾಂ ವದ ಕಥಂ ನು ವೇದಾನಿ ತಾಮ್ ।

ಇತೀವ ಸ ನಿಜೇಚ್ಛಯಾ ವ್ರಜಪತೇಃ ಸುತಃ ಪ್ರಾಪಿತ-

ಸ್ತದೀಯರಸಚರ್ವಣಾಂ ವಿಜಯತೇ ಶಚೀನನ್ದನಃ ॥ 8 ॥

ಇದಂ ಪಠತಿ ಯೋಽಷ್ಟಕಂ ಗುಣನಿಧೇ ಶಚೀನನ್ದನ

ಪ್ರಭೋ ತವ ಪದಾಮ್ಬುಜೇ ಸ್ಫುರದಮನ್ದವಿಶ್ರಮ್ಭವಾನ್ ।

ತಮುಜ್ಜ್ವಲಮತಿಂ ನಿಜಪ್ರಣಯರೂಪವರ್ಗಾನುಗಂ

ವಿಧಾಯ ನಿಜಧಾಮನಿ ದ್ರುತಮುರೀಕುರುಷ್ವ ಸ್ವಯಮ್ ॥ 9 ॥

ಇತಿ ಶ್ರೀವಿಶ್ವನಾಥಚಕ್ರವರ್ತಿಠಕ್ಕುರವಿರಚಿತಸ್ತವಾಮೃತಲಹರ್ಯಾಂ

ಶ್ರೀಶಚೀನನ್ದನವಿಜಯಾಷ್ಟಕಂ ಸಮ್ಪೂರ್ಣಮ್ ।